Son turda "Qarabağ"a böyükhesablı məğlubiyyətdən sohra "Sumqayıt"ın baş məşqçisi Bernhard Raab istefa haqda düşünəcəyini demişdi. Ancaq görünən odu ki, alman çalışdırıcının Azərbaycan səyahəti hələ bir müddət də davam edəcək.
Hər halda klubun mətbuat katibi Rəşad Məmmədovun məsələ ilə bağlı Korner.az-ın sorğusuna cavabından bunu anlamaq olar. "Sumqayıt" rəhbərliyi hesab edir ki, bu qədər qısa müddətdə, üstəlik bir böyükhesablı məğlubiyyətə görə baş məşqçini işdən azad etməzlər.
Rəşad bəydən son zamanlar Rail Məlikovun Sumqayıt klubuna keçəcəyi ilə bağlı söhbətlərə aydınlıq gətirməsini istədik. Klub rəsmisinin cavabı qısa oldu: "Bu xəbəri sizdən eşidirəm, şayiədi".
