Mətbuatda “Rəvan”ın futbolçusu Sebastian Kastro Tellonun klubdan göndəriləcəyi ilə bağlı xəbərlər yayılıb.
Korner.az bu barədə klubun mətbuat xidmətinin rəhbəri Elvin Yaqubovun fikirlərini öyrənib.
Klub rəsmisi xəbəri təsdiqləyib: “Bəli, bu doğrudur. Səbəbi isə sadədir. O, 1 aydan çoxdu gedib və qayıtmayıb. Onsuzda kökəlməyə meyilli futbolçu idi. Allah bilir indi hansı vəziyyətdədir. Yəni qayıtsa belə 1-2 ay bərpasına vaxt lazım olacaq. Ona görə qayıtmamağı məsləhətdir. Artıq onu bizim oyunçu saymamaq olar”.
Elvin Yaqubovun transferlər barədə də fikirlərini öyrəndik: “Bu barədə indidən nəsə deyə bilmərəm. Baş məşqçi və rəhbərlik bu barədə görüş keçiriblər. Çalışmalara artıq start verilib. Hər mövqeyə futbolçu alınacaq yəqin ki. Həm yerli, həm də xarici oyunçular komandaya cəlb olunacaq”.
