Rəşad Sadıqov “Şerif”ə qarşı oynamaya bilər!
23.08.2018 , 15:16
Avropa Liqasının pley-off mərhələsinin ilk oyunları çərçivəsində səfərdə Moldovanın “Şerif” komandası ilə qarşılaşacaq “Qarabağ” ciddi itki ilə üzləşib. Azərbaycan çempionunun kapitanı Rəşad Sadıqov qarşılaşmanı buraxa bilər.
Sadıqov iki gündür yüksək hərarət, titrətmə səbəbindən məşqlərə də qoşulmur. O, bu dəqiqələrdə oyuna adaptasiya olmaq üçün fərdi məşq edir. Rəşadın meydanda olub-olmayacağı matç vaxtı bəlli olacaq. Böyük ehtimalla kapitanı start heyətində görməyəcəyik.
Qeyd edək ki, “Şerif” – “Qarabağ” oyunu bu axşam Bakı vaxtı ilə saat 21.00-da başlayacaq. (futbol11.az)
