Əvvəlki illərdə olduğu kimi,
milli komandanın baş məşqçisinin, AFFA-nın Texniki direktorunun, bir veteran
futbolçunun və Topaz Premyer Liqasında çıxış edən klubların baş məşqçiləri ilə
kapitanlarının iştirak etdiyi sorğu əsasında Azərbaycan milli komandasının ən
yaxşı futbolçusu seçilib, həmçinin futzal üzrə millinin, 19 yaşadək qızlardan
ibarət yığma komandanın və çimərlik futbolu üzrə millinin ən yaxşı oyunçusu,
eyni zamanda, ötən mövsüm millinin heyətində ən çox oyun keçirmiş futbolçu xüsusi
mükafata layiq görülüb.
Korner.az-ın məlumatına görə, 19 yaşadək qızlardan ibarət Azərbaycan
yığmasının ən yaxşı oyunçusu Nigar Cəlilli seçilib. Qalibə mükafatı Bakcell şirkətinin baş icraçı
direktoru Riçard Şirer təqdim edib.
Futzal üzrə milli komandanın
ən yaxşı futzalçısı seçilmiş Vitali Borisova mükafatı AFFA-nın İcraiyyə
Komitəsinin üzvü Ələkbər Məmmədov təqdim edib.
Çimərlik futbolu üzrə milli
komandanın ən yaxşı futbolçusu Emin Kürdova seçilib. Ona mükafatı və
idman nazirinin müavini İsmayıl İsmayılov təqdim.
Peşəkar Futbol Liqasının prezidenti
Ramin Musayev Azərbaycan milli komandasının ən yaxşı qapıçısı nominasiyasının
qalibi üçün nəzərdə tutulmuş mükafatı Kamran Ağayevə təqdim edib.
2013-cü ildə millinin
heyətində ən çox meydanda olmuş futbolçuya – Rasim Ramaldanova hədiyyəni
Regional Futbol Federasiyaları İctimai Birliyinin prezidenti İskəndər Cavadov
verib.
Milli komandanın 2013-cü ildə
ən yaxşı futbolçusunu elan etmək və ona mükafatı Azərbaycan milli komandasının
baş məşqçisi Berti Foqts təqdim.
B.Foqts qalibin Rəşad Sadıqov olduğunu elan edib..
Mərasimin sonunda
mükafatçılara Bakcell və AUTO Azerbaijan şirkətlərinin xüsusi hədiyyələr
verilib.
Nominasiyalar üzrə
qaliblərin, AFFA-nın baş katibi Elxan Məmmədovun, Bakcell şirkətinin baş icraçı
direktoru Riçard Şirerin və Azərbaycan milli komandasının baş məşqçisi Berti
Foqtsun iştirakı ilə brifinq keçirilib.
