“Yaxşı rəqibə qarşı oynayacağıq. Hərəam tçənd ilk dəfə Avropada oynayırlar. Çox oyunlarını izlədik. “Pyast” mobil komandadır. Hər tipdə oyunçuları var. İstədiyimiz kimi oyunu qura bilməsək, çətinliklə üzləşə bilərik. Rəqib meydanın hər yerində pressinq edir. Fikrimcə, düzgün oyun quracağıq. Maksimum çalışmalıyıq ki, burda yaxşı nəticə əldə edək. Futbolçular tam hazırdırlar, motivasiya olunublar”.
Korner.az-ın məlumatına görə, bu sözləri “arabağ”ın baş məşqçisi Qurban Qurbanov deyib.
Avropa Liqasının II təsnifat mərhələsində Polşanın “Pyast” klubu ilə sabah Tofiq Bəhramov adına Respublika stadionunda keçirəcəkləri oyuna hazırlıqdan danışan Ağdam təmsilçisinin baş məşqçisi daha sonra bunları deyib:
“Hər şey cavab oyununda bilinir. Mən deməzdim ki, ilk oyunda hər şey həll olunacaq. Bakıda nəticədən asılı olmayaraq mərhələ adlamaq bir şey demək olmaz. “Pyast”ın çılğın azarkeşləri, həyəcanlı stadionları var. Azarkeşləri əlavə güc verir və 90-cı dəqiqədə qalib gəlmələri olur. Yəqin, bunu nəzərə alaraq, evdəki oyunun daha asan olduğunu deyirlər. Ancaq biz ilk oyunda rəqibi daha yaxşı tanıyacağımızdan, Polşada bizə asan olacaq”.
