"Ağır oyun oldu. Belə bir oyunun son dəqiqlərində qol vurub qələbə qazanmaq bizim üçün xoşdu.Rəqib sona kimi boşluqlar yaratmadılar. Oyunboyu çoxlu qol imkanlarımız oldu. Əsas olan odur ki, biz oyunumuzu oynamağa çalışırıq".
Korner.az–ın məlumatına görə, bu sözləri "Qarabağ"ın baş məşqçisi Qurban Qurbanov deyib.
Ağdam klubunun çalışdırıcısı UEFA Avropa Liqasın III təsnifat mərhələsi çərçivəsində "Hefle" ilə oyundan sonra keçirilən mətbuat konfransında qələbəni şərh edərkən daha sonra bunları deyib:
"Səfərdə bizi çətin oyun göğzləyir. Onlar öz meydanlarında fərqli oynayırlar. Əgər 0:3 məğlub olduqları "Anartoosis"ə cavab matçında 4:0 qalib gəliblərsə artıq onların bu gücündən xəbər verir".
Q.Qurbanov Gelaşvilinin çıxışını belə qiymətləndirib:
"Oyun gedərkən artıq mən fikirləşirdim ki, siz mənə bu barədə suallar verəcəksiniz. Ona görə Gelaşviliyə haqq qazandırıram ki, onun ustalıq səviyyəsinə bələdik. Gəlin səbr edək".
"Qarabağ"ın çalışdırıcısı daha ssonra bunları deyib:
"Vüqarın birdən-birə sıradan çıxması bizim oyunumuzun sürətinə təsir etdi. Reynaldonun xidmətindən ikinci hissədə istifadə edə bildik. Bu gün fikirləşirəm ki, əlimizdə olan futbolçulardan maksimum istifadə edə bildik.
Düşünürəm ki, indiki vəziyyətdə şans bizim tərəfimizdədi. Qol buraxmadan, qalib gəlmək yaxşı nəticədi. Əgər komaanda hücumda ola-ola müdafiə olunmağı bacarırsa nəticə həmişə yaxşı olacaq".
Qurban Qurbanov daha sonra yeni transferlərə ehtiyac olduğunu bildirib:
"Təbii ki, transferə ehtiyac var. Çünki qarşıda çempionat oyunları var. İki futbolçu da alınsa digərlərinin yoxluğunu hiss etməyəcəyik. Bu gün Reynaldo və Vüqarın olmaması mənim fikirlərimi dəyişdi. Artıq rəhbərlikdən daha bir futbnolçunun transfer etmək barəsində müraciət edəcəm. Əsasən orta sahəyə transfer lazımdı".
