“Tam olaraq, nəticə üçün oynadıq. Ağır bir səfərə çıxmışdıq. Futbolçularda psixoloji və fiziki yorğunluq var idi. Oyunçularımı və azarkeşləri təbrik etmək istəyirəm. Futbolçluarım xarakter göstərdilər”.
Korner.az-ın PFL-in saytına istinadən yaydığı xəbərə görə, bu sözləri “Qarabağ”ın baş məşqçisi Qurban Qurbanov Azərbaycan kubokunun yarımfinalında “Simurq”la qolsuz bərabərə qalaraq finala yüksəldikləri matçdan sonra deyib.
O, “Simurq” barədə ancaq xoş sözlər söyləyə biləcəyini vurğulayıb:
“Bir zaqatalalı olaraq, baş məşqçi George Çixradzeyə “sağ ol” deməliyəm. Qismət belədir. Biz yolumuza davam edirik”.
Q.Qurbanovun sözlərinə görə, oyunçuları qarşıdakı matçlarda da xarakter nümayiş etdirməlidirlər:
“Simurq”la oyunun son dəqiqələrində sürət zəiflədi. Ola bilsin ki, “Neftçi” ilə çempionat matçında da belə olsun. Çünki yorğunluq var”.
Xatırladaq ki, “Qarabağ” “Simurq”la ilk qarşılaşmada 1:0 hesabı ilə qalib gəlib.
