“Həmişə narahat olmuşam ki, belə penalti olmasın. Son zamanlar penaltilərlə bağlı çox müzakirələr getdi. Xüsusən də bizim xeyrimizə verilən penaltilərdə…”
Korner.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.
Ağdam klubunun çalışdırıcısı qonaq olduğu “Futbol saatı” verlişində “Neftçi” ilə oyunda komandasının xeyrinə verilən penaltiyə toxunaraq sözlərinə belə davam edib:
“Neftçi” ilə oyundan sonra da demişdim ki, penaltini vermək də olar, verməmək də. Bəzi hakimlər daha rahat penalti verir, bəziləri isə vermir. Qarşıdakı oyunlarımızda da bu cür penalti olarsa yenidən belə qərarlar verə bilərəm. İnşallah bundan sonra penalti vurmarıq. İstəmərəm hansısa komandanın haqqına girək”.
