Topaz Premyer Liqasının 5-ci turunda keçirilmiş “Qarabağ” – AZAL qarşılaşmasından sonra baş məşqçilərin fikirləri belə olub:
Vaqif Sadıqov, AZAL klubunun baş məşqçisi: “Azərbaycanın ən güclü komandasına qarşı oynadıq. “Qarabağ” bizdən üstün komandadır. Erkən qol vurduq, qalib gəldik. Komandaya qələbəyə görə təşəkkür edirəm”.
Qurban Qurbanov, “Qarabağ” klubunun baş məşqçisi: “Bizim üçün ağır oyun oldu. Avroliqa ilə vidalaşsaq da, fikrimiz hələ də ordadır. Oyunçularıma heç nə demirəm, nə lazımdırsa, etdilər. Qol imkanlarımız da oldu, lakin top qapıdan keçmədi. 9 saat yolda olduqdan sonra oyuna çıxmaq bizə çətin oldu. AZAL da bu gün yaxşı oynadı. Rəqibi qələbə ilə təbrik edirəm”.
pfl.az
