Bu gün “Qəbələ”nin baş məşqçisi Roman Qriqorçuk yubiley qeyd edir.
Korner.az-ın klubun saytına istinadən yaydığı xəbərə görə, ukraynalı mütəxəssisin 50 yaşı tamam olur.
1965-ci il martın 22-də Ukraynanın İvano-Frankovsk vilayətinin Kolomıyski rayonunun Korniç kəndində anadan olan R.Qriqorçuk ad gününü Azərbaycanda qeyd edir. Milli komandaların oyunları ilə əlaqədar yaranan fasilədən istifadə edən əksər legionerlər vətənlərinə yollansa da, Qriqorçuk yubileyini Bakıda qeyd etməyə üstünlük verib.
Ailəsinin əhatəsində ölkəmizdə 50 yaşını tamamlayan çalışdırıcı ilk dəfə ad gününü Azərbaycanda keçirir.
“Qəbələ” İdman Klubu 50 yaşlı mütəxəssisin doğum gününü təbrik edib, ona mənalı həyat, can sağlığı və karyerasında uğurlar arzulayıb.
