"Hər kəs əlindən gələni etdi. Əlbəttə, nəticə baxımından daha yaxşısına nail ola bilərdik. Oyunun ilk hissəsinin müəyyən məqamlarında nümayiş etdirdiyimiz oyun daha çox xoşuma gəldi"
Korner.az-ın məlumatına görə, bu sözləri "Panatinaikos"la matçdan sonra "Qəbələ"nin baş məşqçisi Roman Qriqorçuk deyib.
O sözlərinə belə davam edib:
"Komanda oyundan-oyuna daha yaxşı oynayır. Asif oyuna girdikdən sonra gedişatı dəyişmek üçün xeyli vaxt var idi. Əslində, əvəzetmələrin müzakirə olunmasına sadəcə bir cümlə ilə cavab verə bilərdim: mənim qərarımdır! Nöqtə! Amma sizə hörmət etdiyim üçün cavab verirəm, Antonov çox yorulmuşdu və əvəzetmə qaçılmaz idi. Cavab oyununadək topa nəzarət, topla daha dəqiq oynamaq, müdafiədə diqqəti artırmaq, əks-hücumlarda sürətli oyun və s. istiqamətlərdə daha çox işləməliyik. Öncə də demişdim, Cavid bizimçün önəmli futbolçudur. Ancaq pley-ofa yüksəlmiş komanda bir futbolçudan asılı olmamalıdır. Qrupa düşməyə namizəd olan komandanın hücum xəttində zəiflik varsa, bu, bütövlükde komandanın zəif olmasıdır. Çünki hücumların qurulması qapıçıdan tutmuş, diger 10 oyunçuyadək hamıdan asılıdır"
Xatırladaq ki, matç qolsuz bərabərliklə yekunlaşdı
