Azərbaycan Premyer Liqasında üçüncü dövrəyə yekun vurulub.
Korner.az-ın PFL-in saytına istinadən yaydığı xəbərə görə, 2015-ci ildə keçirilən 9 turun nəticəsinə əsasən “Qarabağ” dövrənin qalibi olub. Ağdam təmsilçisi 8 qarşılaşmada 19 xal əldə edib. Hamıdan çox – 6 qələbə qazanan Qurban Qurbanovun komandası ən az – 3 qol buraxmaqla da hamıdan üstün olub. Lider ən yaxın izləyicisi “İnter” kimi hamıdan az – 1 məğlubiyyətə üzülüb və ən yaxşı top fərqinə (+7) nail olub. Paytaxt təmsilçisi isə hamıdan çox – 12 qol vursa da, heç-heçə sayında (3) öndə olması üzündən az xal toplayıb.
“İnter” kimi 15 xal toplayan “Qəbələ” isə heç-heçə etməməsi ilə diqqət çəkib. “Xəzər Lənkəran” da dövrəni bərabərliksiz keçib. “Sumqayıt”la “Bakı” qələbə qazana bilməyib.
Qeyd edək ki, birinci dövrənin təxirə salınan AZAL – “Neftçi” oyunu 2015-ci ildə keçirilsə də, üçüncü dövrəyə aid olmadığından cədvəldə nəzərə alınmayıb.