“Qarabağ” – “Qalatasaray” oyunundan əldə edilən gəlir bilindi
05.04.2023 , 22:37
“Qarabağ” martın 26-da “Qalatasaray”a qarşı keçirdiyi yoldaşlıq oyunundan gələn gəlirin məbləğini açıqlayıb.
Korner.az klubun saytına istinadən xəbər verir ki, görüşün gəlirləri 1.090.455 (Bir milyon doxsan min dörd yüz əlli beş) AZN, təxminən 12.336.000 (on iki milyon üç yüz otuz altı min) Türkiyə Lirası olmuşdur. Bu gəlirlərdən bəziləri (Türkiyədə oyunun yayım hüququndan gələn və Türkiyədən verilmiş reklam gəlirləri) Qalatasaray tərəfindən açılmış yardım hesabına köçürüləcəkdir.
Bilet satışı, meydan ətrafı reklam gəlirləri, həmçinin Azərbaycanda yayım haqqından gələn və digər gəlirlər isə qısa zamanda Türkiyədəki uyğun hesaba göndəriləcəkdir.
