Ağdamın "Qarabağ" klubu "Neftçi" ilə oyunun hazırlıqlarına başlayıb.
Korner.az-ın klubun rəsmi saytına istinadən verdiyi məlumata görə, Premyer Liqanın II turunda "Neftçi" ilə qarşılaşacaq komanda bu gündən tam heyətlə çalışmalarını sürdürəcək.
Bazar günü ilk turda "İnter"lə qarşılaşmanın ertəsi komandanın baş məşqçisi Qurban Qurbanov komandaya istirahət vermişdi. Dünəndən etibarən "ağ-qara"larla görüşün hazırlıqlarına başlayan komanda bu gün tək çalışmasını 19:00-da Suraxanı qəsəbə stadionunda keçəcək.
Xatırladaq ki, "Qarabağ" – "Neftçi" oyunu rəqibin Avrokubokdakı çıxışı ilə əlaqədar olaraq avqustun 10-dan 11-ə keçirilib. Mərdakandakı "Dalğa Arena"da baş tutacaq oyun saat 20:00-da başlayacaq.