"Qarabağ"ın futbolçusu İqar Qurbanovun Korner.az saytına müsahibəsi
– Premyer Liqanın ilk turunda "İnter"lə heç-heçə oynadız (1:1). Bu oyun haqda nə deyərdin?
İlk turda məğlub olmadıq. Bu yaxşıdır. Çünki ilk oyunda bir xalın da öz əhəmiyyəti var. Lakin qələbə də, qazana bilərdik. Lakin heç-heçədə pis nəticə deyil.
– Hesabı açan tərəf "Qarabağ" oldu. Ancaq bu üstünlüyü sona kimi qoruya bilmədiz. Bu nə ilə əlaqədar idi?
Bunun heç bir izahı yoxdu. Sadəcə əllərinə imkan düşdü və qol vurdular. Çoxlu qol imkanlarımız oldu. Fərqlənsəydik, başqa cür olardı. Artıq bu oyunu unudub "Neftçi" ilə oyuna hazırlaşırıq.
– "Qarabağ"ın hədəfi yəqin ki, çempionluqdur. Bunu əldə etmək mümkün olacaq?
Mümkündü əlbəttə ki. Çempionluğa çox çalışıb nail olmaq lazımdır.
– "Qarabağ" çempionluğa hazırdımı?
Bunu indidən demək düzgün olmaz. "Qarabağ" hər zaman yüksək yerlər üçün oynayıb. Qarşıdakı oyunlarda hər şey aydın olacaq.
– Bu gün“Neftçi” Çempionlar Liqasının III mərhələsinin cavab qarşılaşmasında İsrail təmsilçisi “Hapoel”lə üz-üzə gələcək. Bu görüşdən nə gözləyirsən?
"Neftçi" üçün çətin olacaq. Ancaq yenə də futboldu, hər şey ola bilər. Onlara uğurlar arzulayıram.
Səxavət QURBANOV
