“Qarabağ” azarkeşlərinə görə cərimələndi
10.02.2022 , 14:31
AFFA İntizam Komitəsinin növbəti iclası keçirilib.
Korner.az xəbər verir ki, toplantıda Azərbaycan Premyer Liqasının XV turunun oyunları ilə bağlı aşağıdakı qərarlar verilib:
“Keşlə” – “Zirə” oyununda “Keşlə”nin futbolçusu İlkin Qırtımov qeyri-idman hərəkətinə görə ikinci sarı vərəqə ilə meydançadan kənarlaşdırıldığı üçün 1 oyun cəzalanıb, klubu 200 manat cərimə olunub. Meydan sahiblərinin 4 futbolçusu sarı vərəqə ilə cəzalandırıldığı üçün klub 800 manat cərimə olunub.
“Neftçi” – “Qarabağ” oyununda “Neftçi”nin meneceri Qədir Həsənov texniki zona qaydalarını pozduğuna görə birbaşa qırmızı vərəqə ilə meydançadan kənarlaşdırıldığı üçün 1 oyun cəzalanıb, klubu 800 manat cərimə olunub. “Qarabağ” azarkeşləri meydançaya kənar əşya atdığı üçün klub 1600 manat cərimə olunub.
“Səbail” – “Sumqayıt” oyununda “Sumqayıt”ın 4 futbolçusu sarı vərəqə ilə cəzalandırıldığı üçün klub 800 manat cərimə olunub.
