Latviya paytaxtı Riqada təlim-məşq toplanışında olan Azərbaycanın 16 yaşa qədər futbolçulardan ibarət komandası sözügedən ölkədə ilk yoxlama oyununu keçirib.
Korner.az-ın məlumatına görə, Latviya yığması ilə qarşılaşan milli matçdan 1:1-lik heç-heçə ilə ayrılıb. Görüşün 22-ci dəqiqəsində hesabı latviyalılar açsalar da, Azərbaycan yığması tezliklə hesabı bərabərləşdirib. 30-cu dəqiqədə "Qəbələ"nin üzvü Baxşəli Baxşəliyev dəqiq zərbə ilə rəqibi meydançanın mərkəzinə dəvət edib. Bu matçda vurulan son qol olub.
Milli komandanın təlim-məşq toplanışı martın 31-dək davam edəcək. Yığma ikinci – son yoxlama oyununu martın 30-u yenidən Latviyaya qarşı keçirəcək.
