“Qəbələ”li 100-ə çatdı
26.01.2023 , 11:27
Rövlan Muradov “Qəbələ”də 100-cü oyununu keçirib.
Korner.az xəbər verir ki, 25 yaşlı yarımmüdafiəçinin yubileyi Azərbaycan Premyer Liqasının XIX turuna təsadüf edib.
O, “Kəpəz”lə səfər qarşılaşmasının 56-cı dəqiqəsində meydana daxil olub. Muradov klub tarixinə 100 və daha çox matç keçirən 11-ci futbolçu kimi düşüb.
Rövlan bu görüşlərdə 12 qol vurub. O, Premyer Liqada 85 (10 qol), kubokda 12 (1 qol), avrokuboklarda 3 (1 qol) dəfə meydana çıxıb.
Muradov yetirməsi olduğu “Qəbələ”də 2019-cu il mayın 11-də debüt edib. Onun ilk rəsmi matçı Premyer Liqada “Sumqayıt”a qarşı olub.
