Topaz Premyer Liqanın XXI turunda “Xəzər Lənkran”la qarşılaşacaq “Qəbələ” bu oyunun hazırlıqlarını davam etdirir.
Korner.az-ın klubun saytına istinadən verdiyi məlumata görə, öz evində Lənkəran təmsilçisini qəbul edəcək “Qəbələ” matça gündəlik bir məşqlə hazırlaşır. Baş məşqçi Yuri Syominin rəhbərliyi altında keçirilən hazırlıq prosesinə komanda tam heyətlə qatılır. Heyətdə sarı və ya qırmızı kart cəzalısı yoxdur.
Qeyd edək ki, “Qəbələ”-“Xəzər Lənkəran” matçı fevralın 15-də saat 15:00-da baş tutacaq.