PSJ azarkeşləri Neymarın evinin qarşısında aksiya keçirtdilər
04.05.2023 , 10:33
PSJ azarkeşləri komandanın hücumçusu Neymarın evinin qarşısında etiraz aksiyası keçiriblər.
Korner.az xəbər verir ki, fanatlar evin “Neymar, çıx get!” şüarları səsləndiriblər.
Xatırladaq ki, daha əvvəl parislilərin azarkeşləri komandada dəyişiklik tələbi ilə klub rəhbərliyinin qərargahı qarşısında etiraz aksiyası keçirmişdilər. Onlar komandanın hücumçuları Lionel Messi və Neymarın, eləcə də baş məşqçi Kristof Qaltyenin və prezident Nasser Al-Xelaifinin ünvanına təhqirlər səsləndiriblər.
Neymar 2017-ci ildən PSJ-nin formasını geyinir. Onunla müqavilə 2025-ci ilə qədər nəzərdə tutulub. Braziliyalı hücumçu bu mövsüm bütün turnirlərdə 29 oyuna çıxıb, 18 qol vurub, 17 məhsuldar ötürmə edib.
