Arda Turan: “Fatih Terimlə tez-tez danışırıq”
04.05.2023 , 10:42
Futboldan ayrıldıqdan sonra baş məşqçi olaraq fəaliyyətə başlayan Arda Turan diqqət çəkən açıqlamalar verib.
Korner.az xəbər verir ki, hazırda “Eyüpspor”u çalışdıran Arda Türkiyə mətbuatına danışıb.
36 yaşlı gənc mütəxəssis məşqçi olmağın daha çətin olduğunu dilə gətirib:
“Məşqçi olmaq, futbolçu olmaqdan daha çətindir. Futbolçu olanda nəzarət səndədir. Məşqçi olanda isə komandaya xidmət edirsən. Təbii ki, hər ikisinin öz çətinlikləri var”
O, tez-tez Fatih Terimlə danışdığını bildirib:
“Fatih Terimlə tez-tez danışıb, fikirlərini alıram. O, bizim üçün həmişə ata kimi olub. Hələlik komandada hər şey yaxşı gedir. Biz hesaba çox baxmamalıyıq. Vacib olan, oyundakı gücdür. Bu göstərici komandada hər şeyi dəyişir”.
