Avrokuboklarda yeganə təmsilçimiz "Qarabağ"ın pley-off mərhələsindəki rəqibi bu gün bəlli olacaq.
Korner.az-ın məlumatına görə, təmsilçimiz bu gün Bakı vaxtı ilə 16.00-da keçiriləcək püşkatmada
62 komanda rəqibinin adını öyrənəcək. Bu komandaklardan 18-i Avropa Liqasına yeni start verənlərdi. Aralarında “Qarabağ”ın da olduğu 29 komanda isə pley-offa III təsnifat mərhələsinin qalibi kimi gedir. Qalan 15 komanda Çempionlar Liqasının III təsnifat mərhələsində məğlub olanlardı. 62 komanda püşkdən əvvəl hər birində 10 komanda olmaqla 5 qrupa bölünəcək. Digər bir qrupda isə 12 komanda yer alacaq. Hər qrupda reytinqə uyğun olaraq eyni sayda “səpələnmiş” və “səpələnməmiş” komandalar olacaq. Daha sonra içərisində hər qrupun “səpələnmiş” komandalarının adları yazılmış şarlar bir səbətə, “səpələnməmiş” komandaların adları olan şarlar isə başqa səbətə atılacaq. Bu səbətlərdən çıxarılacaq komandalar bir-birinə rəqib olacaq və beləliklə, cütlüklər müəyyənləşəcək. Səbətdən adı birinci çıxan komandalar ilk oyunu öz meydanlarında keçirəcəklər.
Pley-off mərhələsinin oyunları 22 və 29 avqust tarixlərində keçiriləcək.
7 komandanın avtomatik qoşulacağı qrup mərhələsinin püşkü isə avqustun 30-da Monakoda təşkil olunacaq.
