Topaz Premyer Liqasının II turu çərçivəsində “Rəvan” ilk ev oyununu keçirəcək.
Korner.az-ın klubun rəsmi saytına istinadən verdiyi məlumata görə, “Bayıl stadionu”nda “aslanlar” “Neftçi” ilə qarşılaşacaq.
Bu oyun 5-ci paytaxt derbisi olacaq. İndiyə qədər komandalar arasında baş tutmuş 4 qarşılaşmada “Rəvan”ın 1, rəqibin isə 3 qələbəsi var. “Neftçi” ilə oyunlarda maraqlı tendensiya yaşanır: qol vuran tərəf qalib gəlir! Yəni, hər oyunda yalnız bir komanda fərqlənir. Bu görüşdə hesabı açmaq mütləqdir. Son 3 dueldə meydan sahiblərinin qalib gəldiyini də vurğulayaq.
