“Oyun ürəyimcə olmadı” – Roberto Bordin
16.12.2019 , 20:24
Azərbaycan kubokunun 1/4 final mərhələsinin ilk oyunları çərçivəsində keçirilən “Neftçi” – “Sumqayıt” matçından (0:1) sonra meydan sahiblərinin baş məşqçisi Roberto Bordin mətbuat konfransıda jurnalistlərin suallarını cavablandırıb.
Korner.az xəbər verir ki, mütəxəssis əvvəlcə görüş barədə fikirlərini bildirib.
Əlbəttə nəticə neqativdi. Oyun ürəyimcə olmadı. İlk dəqiqələrdən hesabı açmaq istədik. Bunun üçün risk etdik. Bilirdik ki, rəqib müdafiəyə meyilli komandadır. İlk hissədə elə də qol epizodu yarada bilmədik. Səhvimiz futbolçuların tələsməyi idi.
Heyətdəki dəyişiklik nə ilə bağlı idi? Emin Dabo ehtiyatda idi.
– Hər ikisi zədəli idi. Dabo bərpa olunub. Amma özünü yaxşı hiss etmədiyi üçün risk etmədik.
Nəticədən başqa nədən narazı qaldız?
– Komandada tələskənlik var idi. Bundan narazı idim. Hətta ikinci qolu da buraxa bilərdik.
