Topaz Premyer Liqasının ikinci turunda doğma meydanda “Sumqayıt”la qarşılaşan “Xəzər Lənkəran” rəqibinə minimal hesabla məğlub olub (0:1).
Korner.az-ın məlumatına görə, cənublular ardıcıl iki oyunda da qələbəyə həsrət qalıb.
Baş məşqçi Oğuz Çetin oyun haqda bunları deyib:
“Öz meydançamızda oynadığımız matçda tək bir məqsədimiz vardı. Qələbə qazanmalıydıq, eyni zamanda öz oyunumuzu göstərməli idik. Biz yaxşı bir komandayıq. Məğlub olsaq da, irəlidəki turlar üçün həyəcanlı deyilik. Amma futbolda adi bir epizod çox şeyi dəyişir. Öz meydanımızda oyunu çevirə bilməməyimizə üzülürük. İki həftə içində 5 xal itirdik. “Simurq”la oyunda bu işə son vermək lazımdır. Biz necə bir komanda olduğumuzu göstərməliyik”.
