Avropa Liqasının pley-off mərhələsində "Neftçi"yə rəqib olan Kipr APOEL-i qapıçı transfer etmək istəyir.
Korner.az xəbər verir ki, kiprlilərin gözaltı etdiyi futbolçu vaxtilə Qana millisinin şərəfini qorumuş Riçard Kinqsondu.
Türkiyənin "Qalatasaray" (1996-2005), "Sakaryaspor" (icarədə 1998–1999), "Göztəpə" (icarədə 1999–2001), "Antalyaspor" (icarədə 2001–2002), "Elazığspor" (icarədə 2002–2003) və "Ankaraspor" (2005–2007) klublarının da formasını geyinmiş qolkiperin sonuncu klubu "Bləkpul" olub. Ancaq bu klub İngiltərə Premyer Liqası ilə vidalaşdığından, o, son bir ili "Uiqan"da məşq etməklə yola verib.
Qeyd edək ki, 34 yaşlı Kinqson 2006 və 2010-cu illərdə keçirilmiş dünya çempionatlarında ölkəsinin şərəfini qoruyub.
