Topaz Premyer Liqasının 20-ci turunda qeydə alınmış azarkeş sayı bəlli olub. Turda ən çox azarkeş həftənin mərkəzi oyunu olan “Neftçi” – “Qarabağ” matçında (0:0) qeydə alınıb. 8-ci km stadionunda keçirilən Azərbaycan derbisini 4000 tamaşaçı tribunalardan izləyib.
Ən aşağı göstərici isə “İnter Arena”da qeydə alınıb. Cəmi 500 tamaşaçı “Keşlə” və “Qəbələ”nin “sülh”ünün (1:1) canlı şahidi olub.
Digər oyunlardan Sumqayıtda keçirilmiş “Sumqayıt” – “Kəpəz” oyununda (2:1) 1000, Zirə idman kompleksinin stadionunda baş tutmuş “Zirə” – “Səbail” qarşılaşmasında (1:1) isə 1200 tamaşaçı qeydə alınıb.
Ümumilikdə, turun 4 oyununu 6700 tamaşaçı izləyib ki, bu da, hər oyuna orta hesabla 1675 azarkeş deməkdi.
