“Neftçi” klubu stadionlara azarkeşlərin axın etməsi üçün əlindən gələni edir.
Korner.az-ın məlumatına görə, klub bu yolda daha bir addım atıb.
Onlar “İB Club”la rəsmi əməkdaşlığa başlayıblar.
Müxtəlif dillərin öyrədilməsinə xidmət edən bu qurum rəsmi feysbuk səhifəsində bunları yazıb:
“IB Club Azərbaycan futboluna dəstək olmaq, gəncliyin sağlam rəqabət şəraitində idmana diqqət ayırmasını təmin etmək, azarkeşlik mədəniyyətinin inkişafını artırmaq məqsədilə Neftçi PFK ilə əməkdaşlığını elan edir.
Ölkəmizin tarixi ənənələrə malik Neftçi klubu ilə birlikdə Azərbaycan futboluna daha böyük töhfə verəcək yeni layihələr Gənclərimizi gözləyir. Yaxın günlərdə ilk layihələrimizi diqqətinizə çatdıracağıq.
Belə bir fəaliyyəti təmin etməyə şərait yaratdığına görə Neftçi PFK-ya dərin minnətdarlığımızı bildiririk!”
