Futzal üzrə milli komandaların reytinq siyahısı açıqlanıb.
Korner.az-ın məlumatına görə, AVRO-2018-in bu ay keçiriləcək seçmə oyunları ərəfəsində siyahıda ciddi dəyişiklik olmayıb.
Buna səbəb son vaxtlar az sayda matçın baş tutması, xüsusilə də yoxlama görüşlərinin keçirilməsidi. Elə bu üzdən də planetin 10 ən güclü komandasının mövqeyi dəyişməz qalıb.
Azərbaycan millisinin də mövqeyi dəyişməyib. Lakin yığmamız aktivini 2 xal artırıb. Buna Biro Jadenin yetirmələrinin Moldova ilə 2 yoxlama oyununun nəticəsi səbəb olub. 6:1 və 3:2 hesablı qələbələr millimizin xal hesabını 1435-dən 1437-yə qaldırıb. Artıma baxmayaraq yığmamız hələ də planetin 10-cusudu.
Millimizin AVRO-2018-in seçmə mərhələsindəki rəqiblərindən Macarıstan 1176 xalla 32-ci, Bosniya və Herseqovina 1113 xalla 38-ci, Albaniya 843 xalla 77-ci yerdə qalıb.
İlk “onluq”
1. Braziliya – 1916
2. İspaniya – 1889
3. Rusiya – 1763
4. Argentina – 1706
5. İtaliya – 1619
6. İran – 1595
7. Portuqaliya – 1570
8. Ukrayna – 1483
9. Qazaxıstan – 1451
10. Azərbaycan – 1437
(apasport.az)
