Milli komanda Avropa çempionatının hazırlığına start verdi
13.08.2021 , 18:41
Oktyabrın 30-dan noyabrın 6-na qədər Slovakiyanın Koşitse şəhərində təşkil olunacaq mini-futbol üzrə Avropa çempionatında iştirak edəcək Azərbaycan milli komandası baş məşqçi Elşad Quliyevin rəhbərliyi altında iyulun 1-dən etibarən Böyükşor bulvarında yerləşən “Azfar Group” stadionlarında təlim-məşq toplanışına start verib.
Korner.az xəbər verir ki, hazırda millinin heyətində sabiq futbolçu və futzalçılardan Hüseyn Axundov, Tural Nərimanov, Eşqin Quliyev, Bəxtiyar Soltanov, Seymur Məmmədov, Ramil Həsən-Zadə, Asif Zeynalov və İlkin Hacıyev kimi adlar var.
Milli Komandanın Bakıdakı hazırlığı oktyabr ayına qədər davam edəcək. Daha sonra Slovakiyaya yollanacaq yığma Koşitsedə yerləşən “Kristal” otelində məskunlaşacaq. Millimizlə yanaşı iştirakçı komandalardan Fransa, Bosniya və Hersoqovina, İsrail kimi ölkələrin də yığmaları adı çəkilən oteldə qalacaqlar.
Avropa çempionatının bütün oyunları “Steel Arena”da baş tutacaq. Avropa çempionatının püşkatma mərasimi sentyabrın 13-də keçiriləcək.
