"Məlum olduğu kimi "Bakı" ilə oyunda sol dizimə zərbə dəydi. Mən ümumiyyətlə mübarizədən qaçan biri deyiləm. Həkimlər ilkin müdaxiləni etsələr də, oyuna davam edə bilmədim. Halbuki, bunu çox istəyirdim".
Korner.az-ın məlumatına görə, bu sözləri "Qarabağ" klubunun futbolçusu Namiq Yusifov klubun rəsmi saytına açıqlamasında deyib.
Yarımmüdafiəçi zədəsinin ciddi olmadığını bildirib: "Mənim yerimə oyuna daxil olan Emin yaxşı futbolla yadda qaldı. Zədəm isə şükür ki, ciddi olmadı. Zərbə deyən yer şişmişdi. Artıq şiş çəkilib. Dünən axşamkı çalışmada yüngül hərəkətlərə başladım. Hər halda sabah tam gücümlə məşqə edə bilərəm. Baş məşqçimiz şans verəcəyi təqdirdə "Xəzər Lənkəran"la oyuna çıxa biləcəyəm.
Lənkəranlılarla oyun həm çətin, həm də maraqlı olacaq. Düzdü, çoxları deyir ki, Yunis Hüseynovun yetirmələri bu mövsüm özünə bənzəmir. Amma hiss olunur ki, nəsə etməyə çalışırlar. "Qəbələ"ylə oyunlarını izlədim. Pis təsir bağışlamadılar. Bizim də zədəlilər var. Amma biz də oyuna 3 xal üçün çıxacağıq".