“Komandanın oyunundan razı qaldım”
23.02.2022 , 17:03
Təlim-məşq toplanışımız başa çatdı. Sevindirici haldır ki, bu hazırlıqdan maksimum istifadə edə bildik”.
Korner.az xəbər verir ki, bu sözləri qadınlardan ibarət Azərbaycan millisinin baş məşqçisi Siyasət Əsgərov Birləşmiş Ərəb Əmirliklərinə 2:0 hesabı ilə qalib gəldikləri yoldaşlıq görüşü barədə danışarkən deyib.
O, yoldaşlıq oyunun olmasına baxmayaraq, qələbənin komandaya xeyir verəcəyini bildirib: “İkinci oyunda əsasən az şans qazanan futbolçuları meydana buraxdım. Komandanın oyunundan razı qaldım, hansısa futbolçunu xüsusi fərqləndirmək istəməzdim. Komandanın bütün üzvlərinə təşəkkür edirəm. Monteneqro ilə oyunu da nəzərə alsaq, ardıcıl üç oyundan meydanı qalib tərk edirlər. Əlbəttə, bu cür qələbələr nə qədər çox olsa, bizim üçün bir o qədər yaxşıdır.”
