“Baş məşqçimiz bu oyunda gənc futbolçuları sınaqdan keçirdi və hesab edirəm ki, onlar da özlərini göstərə bildilər”.
Korner.az-ın məlumatına görə, bu sözləri bu gün Qazaxıstanın “Tobol” klubuyla yoxlama matçından sonra (4:2) “Neftçi”nin müdafiəçisi Karlos Kardozo deyib.
Braziliyalı müdafiəçi Qazaxıstan təmsilçisinə qarşı müdafiənin sol cinahında oynaması barədə bunları deyib: “Mən əvvəllər də bu mövqedə oynamışdım. Buna görə də hər hansı çətinlik çəkmədim. Təbii, müdafiənin mərkəzində oynamaq mənə daha rahatdı. Ancaq cinah müdafiəçisi kimi bir müddət çıxış etsəm, bu mövqeyə də tam pyrəşərəm”.
Karlos “Neftçi”nin köhnə-yeni baş məşqçisi Böyükağa Hacıyevlə sabiq çalışdırıcısı Nazim Süleymanovu da müqayisə edib: “Hacıyevin məşqləri daha fərqlidi. Üstəlik, o, intizama daha çox diqqət yetirir”.
