AZAL-la qarşılaşacaq “Kəpəz” fevralın 22-də keçirilən məşqlə oyunun hazırlığını tamamlayıb. Korner.az-ın klubun saytına istinadən məlumatına görə, Gəncə təmsilçisi görüş öncəsi son məşqini “Dalga Arena”da keçirib. Saat 16:00-da başlayan hazırlıq prosesi 50 dəqiqə sürüb. Futbolçular məşqçilər korpusunun hazırladığı yüngül məşq proqramı əsasında çalışıblar. İsinmə təmrinlərindən sonra “kvadrat” oynayan komanda üzvləri ardından qapıya zərbələr üzərində işləyiblər. Qeyd edək ki, AZAL – “Kəpəz” qarşılaşması bu gün saat 18:00-da başlayacaq.
