“İnter” yoxlama oyunu keçirməyəcək

Milli komandaların oyunları ilə əlaqədar yaranmış fasilədən istifadə edən klublarımız boşluğu yoxlama oyunları ilə doldurur.

“İnter” bu müddətdə heç bir sınaq matçı keçirməyəcək. Məhdud olan heyətin bir neçə üzvü də əsas və 21 yaşlılardan ibarət milliyə dəvət aldığına görə komandada futbolçu çatışmazlığı var. Buna görə də paytaxt klubu fasilə müddətində yalnız məşq etməklə kifayətlənəcək.

Qeyd edək ki, “İnter” Topaz Premyer Liqasının 7 turundan sonra 8 xalla 5-ci pillədə qərarlaşıb