Topaz Premyer Liqasının VIII turunda “Qarabağ” “İnter”in qonağı olub. Matç qonaqların 2:0 hesablı qələbəsi ilə yekunlaşıb.
Oyundan sonra keçirilən mətbuat konfransında ağdamlıların baş məşqçisi Qurban Qurbanov oyun haqda danışıb:
“Həmişə olduğu kimi “İnter”ə qarşı oynamaq çətin idi. Rəqibin problemləri var, buna baxmayaraq oyun üslubları tam oturub. Buna görə bizim üçün çətin idi, ancaq oyunçular çalışdılar və sona qədər vuruşdular”
Təcrübəli mütəxəssis daha sonra jurnalistlərin sualların cavablandırıb:
– Dani, Yakub və Rəşadın oynamaması nə ilə bağlı idi?
– Meydança amili ilə bağlı idi. Yakub komandaya tam qoşulmayıb. Dani meydana girə bilərdi, amma istəmirdim ki, meydanda iştirak etsin. Onun da zədəsi var idi. Məşqdə xəsarət almışdı. Onların ciddi problemi yoxdu, oynaya biləcəklər.
– Komandada olan zədəlilərin durumu ilə bağlı nə deyə bilərsiz?
– Dinoda ciddi zədə görmürəm. Ümid edirəm, ciddi problem olmayacaq. Miçel də iki gün öncə məşqdə əzələsini dartmışdı. Fərdi məşqlərə başlayıb və qayıtması il bağlı dəqiq məlumat verə bilməyəcəmş “Atletiko”ya qarşı oynaya da bilər, bilməyə də. Ağabala Ramazanov da zədəlidir. Komandaya qoşulmayıb. Fərdi məşqlər edib.
– Rahid Əmirquliyev millini kapitan kimi meydana çıxardı ancaq himn oxumadı. Bu barədə nə deyə bilərsiz?
– Siz elə dediz ki, Rahidi sanki, içəri salmaq lazımdı. Bu barədə düşünməmişdim, amma düşünmürəm ki, Rahidin üzərinə belə aqressiv getmək lazımdı. Himn oxumamaq vətənə olan sevgini göstərmək, yaxud göstərməməl deyil. Belə şeylərə pnəm verməsək daha yaxşı olar. Hamımız Rahidin Azərbaycana sevgisini bilirdik. Bu haqda heç məlumatım da yox idi. Ümumiyyətlə, himn oxumaq vətənə olan sevgini göstərmir. Rahidə bir insan kimi, bir azərbaycanlı kimi qibtə etmişəm.
– Ramil Şeydayevin oynamamsı barədə…
– Ramilin meydana çıxmamasının xüsusi səbəbi yoxdu. Oyunlar bəzən bizdə gözlədiyimiz şeyləri tələb etmir. Gedişat elə alındı ki, Ramil oynamadı. Maksimi də meydana buraxmaq istəyirdim, ancaq oyunun gedişatı elə gpstərdi ki, nəticə üçün başqa addımlar atmalıyıq.
