Rusiyanın “Rubin” klubunun futbolçusu Gökdeniz Karadeniz UEFA Avropa Liqasının qrup mərhələsi çərçivəsində Azərbaycan çempionu “Neftçi”yə qarşı keçirəcəkləri oyun öncəsi fikirlərini açıqlayıb.
Korner.az-ın məlumatına görə, türkiyəli futbolçu Bakıda baş tutacaq qarşılaşma ilə bağlı öncə bunları dilə gətirib:
“Neftçi” yaxşı komandadı və kollektiv futbol sərgiləyir. Bizə burda çox çətin olacaq. Biz onlardan güclüyük. Amma bu, “Neftçi” ilə görüşün asan keçəcəyi demək deyil. Qələbə qazanmaq üçün xeyli güc sərf etməliyik. Azərbaycanda məni sevirlər və mən bundan sevinc hissi duyuram. Lakin mən peşəkaram və öz azarkeşlərimizi sevindirmək istəyirəm. Elə burdakı futbolsevərlərə də yaxşı futbol sərgiləmək istəyirəm”.