“Futbolçularıma mübariz oyuna görə təşəkkür edirəm” – Nazim Süleymanov
25.08.2018 , 20:44
“Maraqlı oyun izlədik”. Bu sözləri “Sumqayıt”ın baş məşqçisi Nazim Süleymanov Topaz Premyer Liqasının III turunda səfərdə “Qəbələ” ilə heç-heçə etdikləri matçdan sonra deyib.
Təcrübəli mütəxəssis əzmkar oyuna görə futbolçularına təşəkkür edib: “İlk hissənin son dəqiqələrində qapımıza təmiz penalti təyin edildi və rəqib hesabda önə keçdi. Futbolçularıma təşəkkür edirəm ki, azlıqda qalsaq da, mübariz ruh nümayiş etdirdilər və son dəqiqələrdə bərabərlik qolunu vura bildilər”.
Qeyd edək ki, qarşılaşma 1:1 hesablı bərabərliklə başa çatıb.
