“Futbolçu azarkeş qarşısında böyüyür”
18.07.2022 , 19:52
Çempionlar Liqasında II təsnifat mərhələsinin “Qarabağ” – “Sürix” (İsveçrə) ilk oyunundan öncə təşkil edilən mətbuat konfransında Azərbaycan təmsilçisinin baş məşqçisi Qurban Qurbanov jurnalistlərin suallarını cavablandırdı.
Korner.az xəbər verir ki, təcrübəli mütəxəssis öncə sabahkı matç barədə fikirlərini bildirdi…
– Hazırlaşmaq üçün 1 həftəyə yaxın vaxtımız var idi. Çalışdıq ki, bu müddətdən maksimum istifadə edək. Bizdə rəqib haqqında məlumat az idi. “Sürix”in çemoionat oyununda 0:4 uduzması ola bilər, bizi aldatsn. Çox yaxşı komandaya qarşı oynayacağıq. Diqqətli olmağa çalışacağıq. Rəqib fərqli oyun göstərir. Ən diqqətli olmalı olduğumuz matçlardandır. Sona qədər konsentrasiyanı saxlamalıyıq. Rəqibi tam yaxından tanımırıq. Oyunun gedişində daha yaxşı bələd olacağıq. Həmişə ilk oyunda rəqibi daha yaxşı tanıyırsan. Rəqib İsveçrə çemopionudur, sona 4 qalmış bunu təmin ediblər. Bu da güclərindən xəbər verir. Səhv etmirəmsə 89 qol vurublar. Bu, az deyil. Hücum etməliyik, amma müdafiədə də həddən artıq diqqətli olmalıyıq. Öz oyunumuzla yanaşı, rəqibin hücumlarına da hazır olmalıyıq.
– “Sürix”də baş məşqçi dəyişikliyi olub, gedən bir çox oyunçu var. Bu məqamlar sizə üstünlük qazandırır?
– Dəyişikliklərin həm mənfi, həm də müsbət cəhətləri olur. Gələn məşqçi çox təcrübəlidir. Komandanın sistemindən əl çəkdiyini deyə bilmərik. Keçən mövsüm də belə oynayırdılar. Avropada klublar elə səviyyədədir ki, gedənlərin yerinə yenilərini tapmaqda çətinlik çəkmirlər. Hər bir halda rəqibə qarşı inamla çıxış edəcəyik. Belə komandalara qarşı dəfələrlə oynamışıq. Amma “Sürix”in hücumda oyunu tam fərqlidir. İlk oyunda buna görə çətinlik çəkə bilərik. Rəqibi yaxından analiz etməyə çalışmışıq. Kiminsə getməsi, qalması və ya baş məşqçi ilə bağlı fikirlər bizə mane ola bilər. Oyunumuzu yaxşılaşdırmağı düşünməliyik.
– Yeni transferiniz Julio Romao Patrik Andradeni əvəz edə biləcək?
– Onu cəmi 1 gün görmüşəm. Bizdə belə fikir yoxdur ki, gedən futbolçunun yerinə mütləq kimisə gətirək. Bundan əvvəlki oyunlarda da Qara, Andrade yox idi, amma onları əvəz edə bildik. Amma görürük ki, yenə ehtiyacımız var. Gələn oyunçuya desək ki, Andrade kimi oynamalısan, bu, düz olmaz. Onun üstün keyfiyyətlərindən yararlanmalıyıq. Fərqli tip oyunçudur. Amma ona bir az vaxt laızm olacaq. Çonki son 12 gündə məşq edib. Bura gələn oyunçuların ustalıq səviyyəsini artırmağa çalışırıq. Avropa klublarından gəlsə də, Çempionlar Liqası, avrokubok başqadır, buna uyğunlaşamq asan deyil. İnanıram ki, komanda üçün faydalı olacaq.
– Komandada arxayınlıq olacağından narahat deyilsiz?
– Buna inanmıram. Hələ yeni başlamışıq. Bu turnirin nə qədər ciddi olduğunu bilirik. Çempionlar Liqası bütün turnirlərdən fərqlənir. Gərginlik, fizki və psixoloji yorğunluq çox olur. Bütün futbolçular çox gözəl bilir ki, arxayınlaşmaq olmaz. Çox istərdim ki, sabah futbolçular əvvəlki matçdan daha yaxşı oyun göstərsinlər və daha motivasiyalı olsunlar.
– Sabahkı oyuna olan biletlərin hamısı satılıb. Keçən oyundakı nəticə, motivasiya, azarkeş dəstəyindən sonra “Qarabağ”ın favorit olduğunu demək olar?
– Bunlar hər biri sevindirici haldır. Biletlərin hamısının satılması azarkeşkərin bizə olan inamını və marağını göstərir. Belə oyunlarda kimisə üstün saymaq istəmirəm. Şansları həmişə bərabər saymışam. Üstünlüyümüz azarkeşlərimizinq arşısında oynamağımızdır. Bəzən həddən artıq motivasiya futbolçunu “yandıra” bilər. Bunun da səhvlərlə nəticələnməsi mümkündür. Sarı, qırmızı vərəqələr yarana bilir. Amma ümumən şanslar bərabərdir. Rəqib ölkəsinin çempionudur. Azarkeşlərimizin bizimlə olması çox sevindiricidir. Futbolçu azarkeş qarşısında böyüyür, daha istəkli oılur. Çox istərdim ki, bütün oyunlarda stadionlar dolsun. Bu, inkişaf üçün ən vacib amillərdən biridir. (futbolpress.az)
