“Məşq prosesimiz maraqlı və zövqlü keçir. Mövsümün
ikinci hissəsinə səylə hazırlaşırıq. Komandamıza yeni futbolçular da qatılıb. İnanıram
ki, onlar da heyətimizə tam adoptasiya olaraq hədəflərimizə çatmaqda
yardımlarını əsirgəməyəcəklər. Qarşıda hələ 5 sınaq oyunumuz var. Bu matçlar
hazırlığımızın istidiyimiz səviyyəyə çatmasında önəmli rol oynayacaq”.
Korner.az-ın məlumatına görə, bu sözləri “Qəbələ”nin hücümçusu Daniel Subotiç
Antalya düşərgəsi və komandanın hazırlıqları barədə fikirlərini açıqlayarkən
deyib. O, mövsümün ilk yarısında “qırmızı-qaralar”ın yaxşı çıxış
etdiyini və ikinci hissənin uğurlu keçəcəyinə inandığını bildirib. Subotiç
heyətdəki futbolçuların yüksək nəticlər qazanmağa qadir olduqlarını vurğulayıb:
“İstər oyun, istərsə də nəticə baxımından, mövsümün ilk
yarısını müsbət qiymətləndiririəm. Bizim üçün mövsümü ən azından liderlər
üçlüyündə tamamlamaq vacibdir. Üç yerdən hansında olacağımızı isə vaxt
göstərəcək. Fərdi baxımdan futbolçularımız Azərbaycanda ən yaxşılardandır. Belə
futbolçularla istənilən nəticəni qazanmaq olar. Komanda oyunumuzu nizamlamaqla
stabil-yaxşı çıxışımızı təmin edə bilərik”.
