“Fənərbağça” İtaliya klubundan transfer edəcək
05.07.2024 , 10:32
“Fənərbağça” sol cinah, mərkəz hücumçusu, yarımmüdafiəçi və müdafiəçi axtarışlarını davam etdirir.
Korner.az xəbər verir ki, İstanbul klubu bunun üçün üzünü İtaliyaya çevirib.
Super Liqa təmsilçisi “Sassuolo”nun fransalı futbolçusu Armand Lauryenteni transfer gündəminə gətirib.
Ötən ay 25 yaşlı futbolçu üçün italyanların qapısını döyən “Fənərbağça” 20 milyon avro tələb olunduğu üçün danışıqları yarımçıq qoyub.
Yenidən oyunçu üçün bu ay təklif göndəriləcəyi gözlənilir.
Ötən mövsüm 40 matçda meydana çıxan Lauriente 5 qol və 6 məhsuldar ötürmə ilə çıxış edib.
