Divizion klublarının cəzası açıqlandı
20.12.2022 , 15:22
AFFA İntizam Komitəsinin iclası keçirilib.
Korner.az xəbər verir ki, aparılan müzakirələrdən sonra I Divizionun XV turunda yaşananlarla bağlı aşağıdakı qərarlar qəbul edilib.
“İmişli” – “Turan Tovuz” oyununda meydan sahiblərinin 4 oyunçusu sarı vərəqə ilə cəzalandığına görə klub 80 manat cərimə edilib.
“İmişli” – “Turan Tovuz” oyununda meydana kənar şəxs daxil olduğuna görə ev sahibi 160 manat cərimələnib.
“Şamaxı” – “Zirə” oyununda qona qkomandanın 4 oyunçusu sarı vərəqə ilə cəzalandığına görə klub 80 manat cərimə edilib.
“Səbail” – “Mingəçevir” oyununda qonaq komandanın 57 nömrəli oyunçusu Sahil Həsənov oyunun 90+2-ci dəqiqəsində bir oyunda ikinci sarı vərəqə almaqla qırmızı vərəqə ilə meydançadan kənarlaşdırıldığına görə 1 oyun cəzalandırılıb, klub 20 manat cərimə olunub.
“Zaqatala” – “Araz-Naxçıvan” oyununda qonaq komandanın 4 oyunçusu sarı vərəqə ilə cəzalandığına görə klub 80 manat cərimə edilib.