“Oyun qarşılıqlı hücumlarla keçdi. İlk hissənin başlanğıcında qol vurduq, fasiləyə üstün getdik. İkinci hissədə isə oyunçumuz zədəli olan vaxt qapımızdan qol buraxdıq".
Korner.az-ın məlumatına görə, bu sözləri "Xəzər Lənkəran"la qarşılaşmadan sonra “Simurq”un baş məşqçisi Georgi Çixradze deyib.
Çixradze son vaxtlar futbolçularının qırmızı vərəqə almalarından gileylənib: "Artıq 3-cü turdur ki, oyunçumuz qırmızı vərəqə alır, azlıqda qalırıq. Qırmızı vərəqədən sonra bizə oynamaq çətin olsa da, hücumlarımızı davam etdirdik”.