“İlk 15 dəqiqədə bərbad oynadıq. Rəqib qol vurduqdan sonra qapalı futbol oynadı. “Simurq”un müdafiə xəttini yarmaq çox çətin idi”.
Korner.az-ın məlumatına görə, bu sözləri bu gün “Simurq” üzərində 2:1 hesablı qələbə qazanan “Xəzər Lənkəran”ın baş məşqçisi Con Benjamin Toşak deyib.
Uelsli çalışdırıcı Sakkonini əvəzləmək qərarının düzgün olduğunu bildirib: “Tounkara, Mbilla və Ramazanovla müxtəlif hücum variantlarına əl atdıq. İkinci hissədə üstün tərəf idik, qalib gəlmək üçün əlimizdən gələni etdik. Nildo diz bağlarından zədələnib, onun Superkubokda oynamaq şansı azdır. “Neftçi”yə qarşı iki dəfə oynamışıq və heç birində məğlub olmamışıq. Superkuboku Lənkərana aparmaq yaxşı olar”.