Xalq yazıçısı Çingiz Abdullayev “Neftçi” Futbol Klubuna prezident seçilməsi ilə bağlı yayılan xəbərlərə münasibət bildirib.
Korner.az-ın xəbərərinə görə, o, “Kulis”ə açıqlamasında deyib ki, bu gün axşam saat 17-də “Neftçi” FK-da seçki keçiriləcək: “Seçkidən qabaq heç nə deyə bilmərəm”.
Xatırladaq ki, bugünkü tədbirdə klubun strukturunda dəyişik gözlənilir və yeni struktura görə prezident vəzifəsi Müşahidə Şurasının sədri vəzifəsi ilə əvəz olunacaq. Ç.Abdullayevin bu şuraya sədr seçiləcəyi gözlənilir.
