“Bir çox ölkələrdə məktəblərimizi açırıq. Buradakı oyunçulara öncə “Qalatasaray”ın mədəniyyət və tərbiyəsini veririk. Ardınca isə onları klubumuza qazandırmaq istəyirik”.
Korner.az-ın məlumatına görə, bunu “Qalatasaray”ın aşağı yaş qruplarının rəhbəri Əli Yavaş deyib.
Qəbələ Futbol Akademiyasının sabiq direktoru Azərbaycanda İstanbul təmsilçisinin açdığı məktəbin əhəmiyyətindən danışıb.“Azərbaycanda çox istedadlı uşaqlar var. Burada son illərdə yeniyetmə futboluna böyük əhəmiyyət verilir və bunun da Azərbaycan futbolu üçün xeyirli olacağına inanıram”.
Qeyd edək ki, “Fatih Terim gənc aslanlarını axtarır” layihəsi çərçivəsində Bakı İdman Məktəbində 6-16 yaşlı həmyerlilərimizə futbol dərsi keçirilir.
