Futzal üzrə UEFA kubokunun əsas mərhələsində mübarizə aparan “Baku Yunayted” növbəti oyununu keçirib.
Korner.az-ın məlumatına görə, “Bakılılar”ın komandası Kiprdə baş tutan oyunda yerli “Omoniya” ilə qarşılaşıb.
Gərgin keçən oyunda “Baku Yunayted” 33-cü dəqiqədə Marselonun vurduğu qolla qələbə qazanıb.
Xatırladaq ki, “Baku Yunayted” ilk oyunda Çexiyanın “Xrudimi” komandası ilə heç-heçə etmişdi-3:3
Beləliklə, 4-cü qrupda Kipr, Sloveniya və Çexiya komandaları ilə mübarizə aparan “Baku Yunayted” 4 xalla Çexiyanın “Xrudim” komandası ilə turnir cədvəlinə başçılıq edir. Oktyabrın 4-də bakılıların komandası Sloveniyanın “Litija” komandası ilə qarşılaşacaq
