"Qəbələ"nin 17 yaşınadək komandasında oynayan "9" nömrəli futbolçu Coşqun Süleymanovun sənədlərinin saxta olması kluba baha başa gəlib.
Korner.az-ın AFFA-nın rəsmi saytına istinadən verdiyi məlumata görə, İntizam Komitəsi komandaya 3:0 texniki məğlubiyyət, baş məşqçi Famil Xəlilova xəbərdarlıq verib və həmçinin klub 1000 manat məbləğində cərimə olunub.
Bundan əlavə "İnter" – "Qəbələ" matçında kobud oyuna görə, qırmızı vərəqə alan Nəriman Hüseynov 2, hakimi təhqir etdiyi üçün meydandan qovulan Kənan Həsənov 4 oyunluq cəzalandırılıb.