“Xəzər Lənkəran”dan problemlə ayrıldıqdan sonra “Bakı”da qərar tutan, amma burada da arzuladığı formaya qovuşa bilməyən Kamran Ağayev özünə yeni klub tapmalıdı. Belə ki, baş məşqçi Milinko Pantiçin istəyi ilə milli komandamızın qapıçısı transferə çıxarılıb.
Korner.az-ın futbolinfo.az-a istinadən verdiyi məlumata görə, paytaxt klubunun Kamrandan imtinasının səbəbi onun intizamsızlığıdı. Meyxana deyərək klipə çəkilən, eləcə də bir çox müsahibələrində yersiz açıqlamalar verən Ağayev çoxdan gözdən düşübmüş. Dünən yayılan foto isə rəhbərliyin də səbrini daşıran son damla olub. Qapıçının siqaretlə fotosu onun haqda qəti qərarın verilməsinə səbəb olub.
Xəbəri klubun icraçı dirketoru Yaşar Seyidov nə təsdiq, nə də təkzib edib.
