Gürcüstandakı təlim-məşq toplanışını davam edtirən "İnter" heyətini daha bir futbolçu ilə gücləndirib.
Korner.az-ın klubun rəsmi saytına istinadən verdiyi məlumata görə, toqolu hücumçu Dcako Arafat sentyabrın 31-də "İnter"lə iki illik müqavilə bağlayıb.
Lakin futbolçunun transfer vərəqəsi gecikdiyindən onu hələ ki, Premyer Liqa və ölkə kuboku yarışlarına sifariş etmək mümkün olmayıb. Buna baxmayaraq, yaxın günlərdə "İnter" Arafatın adını sifariş ərizəsinə əlavə edəcək.
Qeyd edək ki, 23 yaşlı futbolçunun karyerasının ilk klubu Toqonun "AC Mirlan" komandası olub. Bundan başqa, Dcako Arafat İsrailin "Bney Şahin" və "Hapoel Akre" klublarının formasını geyinib. 2011-ci ildə futbolçu Rusiyanın "Anji" komandasına transfer olunub. Daha sonra D.Arafat icarə əsasında Türkiyənin "Qaziantepspor" və Qətərin "Al-Arabi" klublarında çıxış edib.
